本土語言資源網

學習評量》設置之目的為使用者自我評量,並非認證考試之用途。提供閩南語、客家語、原住民族語三種不同語言別的評量題目,作答时每一頁面顯示5題,在送出「完成作答」前均可修正作答。
教育部閩南語語言能力認證C卷閱讀測驗 第二部份 文章理解-2 回評量清單 | 2017-03-24 閩南語
評量說明:
【文章理解】
佇咱人類溝通的過程內底,會有非語言的行為部份,這个部份就號做「非語言交際」。這是心理學、社會學、人類學佮語言科學研究的對象。非語言性的溝通會當分做語音變動佮身體語言兩部份。語音變動的部份,可比講聲量、音區、講話的速度、笑聲、假影咳嗽(ka-sàu)等等;身體語言,就親像表情、手勢、身軀的姿勢、眼神接觸、外表佮穿插。語言交際佮非語言交際佇人類溝通的過程,咱會混濫提來運用。
非語言交際有四種功能。第一,替換功能,就是取代語言符號的意義,像咱欲表達贊成的時,無講話毋過用頕頭代替;第二,加強功能,就是進一步加強語言欲表達的意思,比論講,喙講「佇遮」,閣用手比;第三,反意功能,就是反背語言符號欲表達的意義,比論講,欲接受人的意見的時,煞那幌頭;第四,修改功能,講話的人欲改變講話的態度佮內容,比如講佇言語交通的時,欲表示贊同,毋過煞覕喙仔笑。
1/4 根據演說,佗一項講法是正確的?題目圖片 下一題
2/4 根據演說,佗一項是語音變動?題目圖片 下一題
3/4 根據演說,關係非語言交際的功能,佗一項講法是正確的?題目圖片 下一題
4/4 根據演說,佗一項毋是身體語言?題目圖片 成績結算