評量說明：
【文章理解】傳統的文學理論，攏共「作者的意志」囥佇分析的第一位。佇咧評論文學作品的時陣，定定會當影著「作者想欲藉著這篇作品表達……」這類的文句。毋過這種講法有真大的欠點： 第一是無科學性。若是文本的作者已經過身，也無留落任何對文本的說明，咱敢講愛用「觀落陰」的方式，來了解作者的想法是無？就算是作者猶佇咧，因為人的記持定定會有精差，所以嘛無定著煞無法度正確講出寫作彼當時的心情。所以任何假借「作者」的名欲佮作者表達無仝的看法，攏是無正確的。無形中文本的詮釋就變甲真狹。 因為按呢，佇二十世紀初期、中期才會產生以「文本」、「讀者」為中心的理論，放棄過時的「一元中心」文學觀點。

1/3 文中所謂的「一元中心」，是指以啥物為中心？

A: 理論

B: 作者

C: 文本

D: 讀者

下一題

---

2/3 按照頂面的文章，下面的敘述佗一个是著的？

A: 一篇文章「欲表達啥物」這个問題是無標準答案的

B: 若是作者猶活咧，對作品的詮釋著愛尊重作者的看法

C: 已經過身的作者，咱嘛會當用特別的方法請教伊對文本的看法

D: 若是「文學研究者」佮「作者」對文本的詮釋無仝，研究者的意見較重要

下一題

---

3/3 這篇文章上主要是咧說明啥物？

A: 當代文學理論的優點

B: 傳統文學理論的缺點

C: 一元中心佮多元中心的對比

D: 詮釋文學作品會當使用的方法

成績結算