到主要頁面

學習評量

設置之目的為使用者自我評量,並非認證考試之用途。提供閩南語、客家語、原住民族語三種不同語言別的評量題目,作答时每一頁面顯示5題,在送出「完成作答」前均可修正作答。

卑南語閱讀測驗-高級

回評量清單 | 2014-12-20 原住民族語
評量說明:
1/9 na mutuvalisen nu musavak i palakuwan mipadulu za tawlriyulr. kemawan za nintu iyar, nintu patriyangtring nu kipakarun lra, nu pakazalram za zinekalranan, mu tu seredekanay i tezek zi liminalin pavekas. tu linilalinan za kemudakuda zi markamelri atu pinilrengawan. na tawlriyulr mu dinaway za tinar a mimangmang, tu tuktukaw mutimulemuled. maruwa sadalukapan atu ikatatelraw, mivangvang i paduk zi pinu’utilran i savakan, maruwa mupatringtring, zi pinuzazekan za triniktrikan za kawi a mitranguru’, mini’en. maruwa ta semeredek kana tu ni’en pusavak i likuzan kanata lunain. nu ta linalinaw nanta zazek mu, kurlrang muiyuz izu na tawlriyulr zi milrengaw. na valisen nu mitawlriyulr mu makatelu atu ikawayway. na saya mu, pakazalram kana tuki za ’uninan lra. na saya mu pakazalram i saninin za zekalr za minatray a wadadiyan. na saya mu pakazalram i saninin za kasemangalan i saninin za wadiyan. nu awa pakazalrama kana wadiyan i saninin kana zekalr. nu lemavat zatu zekalr za trau mu, tu dikesay atu tawlriyulr paziyazi tu lrengaw. nu awa pakazalrama kana kasemangalan mu mawu kemazu. ini mu ninta kakuwayanan pakaira kanizu na zekalr. na vavayan nu mitawlriyulr, maw maw nu misa’ur, zi nu pa’udalr, muayar zatu lalihisan mu midikesan za tawlriyulr. atu kemakezeng paresaresan zatu kuwi nu pavekas. ’azi kemawan kana valisen. ●2.na valisen nu lalavat kana saninin na zekalr mu, tu kudayaw na tawlriyulr mu pamaw?題目圖片 下一題
2/9 na mutuvalisen nu musavak i palakuwan mipadulu za tawlriyulr. kemawan za nintu iyar, nintu patriyangtring nu kipakarun lra, nu pakazalram za zinekalranan, mu tu seredekanay i tezek zi liminalin pavekas. tu linilalinan za kemudakuda zi markamelri atu pinilrengawan. na tawlriyulr mu dinaway za tinar a mimangmang, tu tuktukaw mutimulemuled. maruwa sadalukapan atu ikatatelraw, mivangvang i paduk zi pinu’utilran i savakan, maruwa mupatringtring, zi pinuzazekan za triniktrikan za kawi a mitranguru’, mini’en. maruwa ta semeredek kana tu ni’en pusavak i likuzan kanata lunain. nu ta linalinaw nanta zazek mu, kurlrang muiyuz izu na tawlriyulr zi milrengaw. na valisen nu mitawlriyulr mu makatelu atu ikawayway. na saya mu, pakazalram kana tuki za ’uninan lra. na saya mu pakazalram i saninin za zekalr za minatray a wadadiyan. na saya mu pakazalram i saninin za kasemangalan i saninin za wadiyan. nu awa pakazalrama kana wadiyan i saninin kana zekalr. nu lemavat zatu zekalr za trau mu, tu dikesay atu tawlriyulr paziyazi tu lrengaw. nu awa pakazalrama kana kasemangalan mu mawu kemazu. ini mu ninta kakuwayanan pakaira kanizu na zekalr. na vavayan nu mitawlriyulr, maw maw nu misa’ur, zi nu pa’udalr, muayar zatu lalihisan mu midikesan za tawlriyulr. atu kemakezeng paresaresan zatu kuwi nu pavekas. ’azi kemawan kana valisen. ●1. inia na makalusu na valray mu, nu kemuda ta mitawlriyulr mu pamaw?題目圖片 下一題
3/9 derderan an peniya mulaliyaban i, tu sabusabungan dra trakubakuban. kemirami semanga dra derderan na maradawan. maya dra rautr aw tu kiskisay driya tu kulitr. kemiyanger dratu tiyaktikan putilitililr. mipauwayan peniya tu pinutililran. ulraya tu trepa dra enay, dra bali, dra kutrem, dra tengalr. aw dra mutralatralaw, mutrabatrabak, marengiyungiyu, mubirabira, muapuaputr, mubulabulan. tu tiktikaw aw tu puedaday dra udreudrem. na puraket na walrak i, salaw bulay tu tiniktikan na derderan. peniya puedad i, tu pubuwaay dra ginaretiman dra bulenan dra kadupu. an basibas i, tu paretigiraw i trakuban i paliyuliyus na derderan. salaw bulay aw kasagasagar an menau ta. asuwa driya, na trakubakuban demaway dra salretriban. tu pakeringay dratu lubung kana basikaw i isatr kana kawi. kadru i dawilr semaranap. an mutani na lubung i, mutiyu lra na lutung kema. kemay kandru aw tu pubuwaay na derderan. an basibas i, adriadri kemasu dratu sinanga na derderan muka i trakuban. tu kakasuwan muka i pangayangayawan tremulaga dra lutung. ●2. a kemudakuda tu pinutililran kana derderan?題目圖片 下一題
4/9 "na tawlriwlr mu, mau tu pinieman i palakuwan. adiyu diya nu pacepa da tuda emaeman i dekalr mu, mau nantu pinikarunan na palakuwan, tu seredekanay kantu puparecan. di hemilrehilr pavekas pakadalram da dinkalranan tuy iraruni na tawlriwlr. nantu indawayan na tawlriwlr mu, mau idu na tinarcaucau na tinu’tu’ na kawi. tu kalra’ayan sineredek i puparecan. di kinatelratelraw demaway. tu paranavay da dangdarang peniya idu na tinu’tu’ na tinarcaucau. na maralr mutululunaw muremured. di marsalrecuk kana tinu’ecur na maralr mu, tamuni tu lrengaw. na kawi di na maralr mu, tu vetevetay da kalric. semalra ini na tinu’tu’ na kawi. pukasa pakamelri tu vulayan nu mena’u ta. ● mau nay i iyan na pamelri tu rinarengay kana tawlriwlr? "題目圖片 下一題
5/9 a mainayan i Puyuma. ulraya tu pakumauwan dratu pinikiruwanan. na maranakan i, mibetan aw penaretr i likudran. an maradawan lra i, mibetan aw druwaya tu paretr na miraat na miuhiyan. mulapus i a miyabetan lra. mibetan dra trinangiyaan aw maluwalu. tuluwa ami i, padrulun aw kitubangesar. pananaan lra a bangesaran. mipaketu, miaputr, midrana. saami lra i, temulru mikatring. an makanemen tu ami i, milrungpaw, mialiyutr, mikabung aw miaputr. an paelipas dra makapitu tu ami i, tu puirisay dra gumulr tu kabung aw kareidraidrang an menau ta. idri i, tu pinikiruwanan dra mainayan i Puyuma. ●2. naisuwa na amelri tu trepa kana miyabetan?題目圖片 下一題
6/9 puviyaw/patavang i Papaturan ulra a tatelu maruwadiyadi. mukuwa venase’a i waditaw na vavayan ’azi muruma’. tu paaya’aw kani temuwantaw nazu na maruwadi. mena’u kana kiruwan zi tu inalrangan kana unan, zi tu ruma’ kana unan na vuwang mu, tu suksukaw na vuwang pupatraranaw na unan zi tu veresayaw. tu patrepayay veneresa a puwa’aselr. minatray na unan tu inelrangan na sinaleman zi na tralun, minatray peniya marum. makaud tu trau i zekalr, zi ’azi muwai pusavak i zekalr kana zu maruwadi, zi zemelengan mukuwa i kumut (水上流) para’an za ruma’ za atras tu kuykuy. harem itu mawan lra na trakuvan na Pinuyumayan. zi marengay, i wadalrep za niyam pinatrayaw mu’’ kema, i temamataw mukuwa zi, kamelriya tu kudakudayaw ku kema. na maruwadi mu, piya ta lra marengai zi kema, tu pinatrayaw i temamataw (i Sihasihaw). i likuzan na maruwadi mukukutr. ’azi maruwa marahan. ’azi lra ’iyanava zi, tu panadamaw kana tekuil na ’ayam za puviyawan. zi mukuwa lra kiviyawa ’emvang puviyaw penalisi. semungal kana demaway na viruwa na paralr. kianun puwalak kana kuwatreng za tu pamelriyan zi ’inava lra. ● a eman kakema ini na vinavalray (tinatililr)?題目圖片 下一題
7/9 derderan an peniya mulaliyaban i, tu sabusabungan dra trakubakuban. kemirami semanga dra derderan na maradawan. maya dra rautr aw tu kiskisay driya tu kulitr. kemiyanger dratu tiyaktikan putilitililr. mipauwayan peniya tu pinutililran. ulraya tu trepa dra enay, dra bali, dra kutrem, dra tengalr. aw dra mutralatralaw, mutrabatrabak, marengiyungiyu, mubirabira, muapuaputr, mubulabulan. tu tiktikaw aw tu puedaday dra udreudrem. na puraket na walrak i, salaw bulay tu tiniktikan na derderan. peniya puedad i, tu pubuwaay dra ginaretiman dra bulenan dra kadupu. an basibas i, tu paretigiraw i trakuban i paliyuliyus na derderan. salaw bulay aw kasagasagar an menau ta. asuwa driya, na trakubakuban demaway dra salretriban. tu pakeringay dratu lubung kana basikaw i isatr kana kawi. kadru i dawilr semaranap. an mutani na lubung i, mutiyu lra na lutung kema. kemay kandru aw tu pubuwaay na derderan. an basibas i, adriadri kemasu dratu sinanga na derderan muka i trakuban. tu kakasuwan muka i pangayangayawan tremulaga dra lutung. ●1. an asuwa i, kemirami semanga dra derderan na maradawan?題目圖片 下一題
8/9 Tawlriyulr tu tawlriyulr kana Pinuyumayan mu, a vatulrayaw a puretelratelraw. tu tuktukaw za mutimulemulez(mutrlatralaw). mraruwa sadepa zi, pinatralawsan(vinuwangan) i itras tu tatiru’an. demaway temutranguru’ zi mini’en tu teketekezan za ni’en. maruwa semeredek kanantu ni’en. pusavak i likuzan kana lunain. pu’utilr i paduk za timulumuluh za vatulrayaw. anu pavekas na valisen mu, malikaluk nantu tezek. pakurelrang kanatu kuy maruni muiyuz na tawlriyulr. nu ma’uliz emiyuz hemilrehilr mu, mitawlriyulr mutriyur tu karuni’. azi ta muni tu lrengaw. kinger ta zatu lrengaw mu, kamawan kantu palizing kana kinsas. na mivalisen nu musavak i palakuwan mu, tu putawlriyulray. ina tawlriyulr kemawan nintu eman lra i zazek. nintu patriyangtringan. nu kipakarun, nu ulra a helran i zekalr, nu ulra a trau a minatray i zekalr mu, tu pakarunay na mivalisen. awa pakelrazam za zinkalranan zi za zuma za zekalr. na mivalisen markatulutulu marekaapaapat. hemilrehilr pavekas piyazaya, piya’ami, piyakezet. mukuwa pakelrazama tu wadadiyan kana zuma na zekalr. nu mukuwa demaulra i sannin kana zekalr mu, nu melalavat ta ulra i dalrilr kana zekalr i sanin mu, tu dikesay paziyazi na tawlriyulr zi kemakawang. nu ’azi ta paziyazi i, munu temaraaeman mu za trau. iniyan mu za irayan kema kimazazikul. nu meredek kanizu na zekalr mu, pakelrazam ta kanatu trau. zi tu kitrevungaw ta. pilralrangaw mukuwa pakelrazama. ’azi ta muwasavak. tu kakuwayanan za Pinuyumayan. maira ta kana zekalr na trau. nu piya ta pakelrazam mu, mareveliyas ta zata zekalr. maresan nu kazu a trau i dalan. ta paziyaziyaw na tawlriyulr. kairayan venangavang za trau i zekalr kema. ● pamau nay i iyan tu irarenay kana tawlriyulr?題目圖片 下一題
9/9 a mainayan i Puyuma. ulraya tu pakumauwan dratu pinikiruwanan. na maranakan i, mibetan aw penaretr i likudran. an maradawan lra i, mibetan aw druwaya tu paretr na miraat na miuhiyan. mulapus i a miyabetan lra. mibetan dra trinangiyaan aw maluwalu. tuluwa ami i, padrulun aw kitubangesar. pananaan lra a bangesaran. mipaketu, miaputr, midrana. saami lra i, temulru mikatring. an makanemen tu ami i, milrungpaw, mialiyutr, mikabung aw miaputr. an paelipas dra makapitu tu ami i, tu puirisay dra gumulr tu kabung aw kareidraidrang an menau ta. idri i, tu pinikiruwanan dra mainayan i Puyuma. ●1.mararengay dra manay idri na tinatililr?題目圖片 成績結算