到主要頁面

學習評量

設置之目的為使用者自我評量,並非認證考試之用途。提供閩南語、客家語、原住民族語三種不同語言別的評量題目,作答时每一頁面顯示5題,在送出「完成作答」前均可修正作答。

排灣語閱讀測驗-高級

回評量清單 | 2014-12-20 原住民族語
評量說明:
1/10 " a dripung a king-kiu-kiu tua tinagiljan nua pula, macidilj ti 平一次郎nu na kipualang tua anemakakudan patarevan nua pula a mulimulitan katua tjaucikel nua pula a adisuakuchi(琉璃珠原文).kasicuayan a payuan izua tjaucikel nua tja vuvu pakatua pula nua mamazangiljan. titjen a payuan izuasinan kakudan nua mamazangiljan a papare timaljimalji tua sicaingan tua kinaneman i qinaljan. aicu a tjakakudan paka tua pula, mavan azua tja sinan vecik a pukeljang tua kinacaucauan a patje tucu i qinaljan.aicu a pula tja pinapungadanan, gata izua tja papungdan a tjara kaqinaljanan, izua mamaw a papungadan,izua tjara maljialjian a ngadan nua tja pula. izua tjaucikel ni galaigai a mamazangiljan i kuljaljaw. aya kainimadju:“mulimulitan” aya itjen tua tjalja pazangalan a pula, sipukeljang tua kinamamazangiljanan nupapucekelj itjen, nu cemusu itjen tua vinitjing tja pizuain i vecekadan. a pula a “luseq-nua-qadaw”, tjasinan pazangalan uta. vusam nua mamazangiljan aya itjen, tua maqati a kipuzangaq taicu a mulimulutan,mulitan (tjakedri ta mulimulutan), “luseq-nua-qadaw”. vuqavuqalj a quljaw nua mulimulitan, sa vincikantua djeljeseljesem, qudjidjilj, qulivalivai. aicu a “luseq-nua-qadaw” nua uqaljai a zangaq. izua utaparu-qadris a pula(孔雀之珠)a mulimulitan, sinan pazangal uta. aicu a pula sinipavai nua makazakazakau akemasi kalevelevan tu silisi tua aljak nua mamazangiljan. mamaw a vuqavuqalj a pula, pinuvecikan tualinitjukutjuku, paru iku nua makazakau a bulay angata. ●sikudakuda a pula nua payuan?"題目圖片 下一題
2/10 " kakudan na paiwan a pakitarev nu papucekelj. cekeljan nua kacalisian i Taiwan,maqati a pakitarev nu papucekelj, neka nu malijiyan tua sikudan. a quma a kadjunangan katua nemanga i tjumaq, tjaljavulungan a aljak a temalevak. saka aicu a temalevak inika sipuuqaljai sipuvavayan; nu vavayan a tjaljavulungan a aljak na mamazangiljan, pakitarev tiamadju uta, manasika a nemanga a ngadan a umaq niamadju a penuljat. saka nu izua uqaljai a tjengelai tua tjaljavulungan a vavayan, tjara nanguaq a nakipadjulu a varung tua namaitucu a tja sikudan. ●tima zua na sepaiyamav ta varung nua mamazangiljan?"題目圖片 下一題
3/10 tjalja bulabulayan aravac a kava na payuan ta kacalisian i taiwan. sinan pazangal uta a malang ta kava nua payuan. tjuruvu pairang a tjengelay a veneli ta sinan racev. tjuruvu aravac na pulima i payuan. a sikasengesengan ta kava, izua a vinecikan katua pinuluvucan. makakaizuazua a vinecikan. izua a dredretan, vulung, qadaw ungalj, kumakumas a vecik. ljakua amin a vusam katua mazazangiljan maqati a kipacain. a vulung namaya ta vusam a na zemang ta qinaljan. ljakua nu cinunan kata kauqaljayan maqati uta kipacain ta ungalj. a quljaw na kava izua qulivalivay qudjidjilj ljiljualjuas. ljakua a senavalj, qucengecengel kata qudjidjilj. ●2.aicu a vulung namaya ta vusam na zemang ta anema?題目圖片 下一題
4/10 tjalja bulabulayan aravac a kava na payuan ta kacalisian i taiwan. sinan pazangal uta a malang ta kava nua payuan. tjuruvu pairang a tjengelay a veneli ta sinan racev. tjuruvu aravac na pulima i payuan. a sikasengesengan ta kava, izua a vinecikan katua pinuluvucan. makakaizuazua a vinecikan. izua a dredretan, vulung, qadaw ungalj, kumakumas a vecik. ljakua amin a vusam katua mazazangiljan maqati a kipacain. a vulung namaya ta vusam a na zemang ta qinaljan. ljakua nu cinunan kata kauqaljayan maqati uta kipacain ta ungalj. a quljaw na kava izua qulivalivay qudjidjilj ljiljualjuas. ljakua a senavalj, qucengecengel kata qudjidjilj. ●1.anema aicu a sipasemalamalaw ?題目圖片 下一題
5/10 a gadu i qinaljan pinalingulinguljan nua menaludjuludjuan a kasiw, a qerepus semusu ta vali apasateku sa paljevavaw. a qadris na paljeqaca a kemelap ta paralj sa mingelayalayap i kalevelevan. azuakinatemezengan a zaing nua qadris, tegain a i kadjunangan. “uri qemadaw anan tu pida a qadaw”, aya aramaljen. kangidangida anga, izua za remekurekutj a qemuziquzip mangetjez i qinaljan, vinatjuljayan akinacavacavan, a caljeqljeqir a tjagulj, a na ljatjalatjaladj a qipu katua kasiw, kalikalin a penuljat, sasakuci, sa djumulji. “paq” aya a zemangal a zaing, manu maluqu a mareka tjagulj, a qipu katua marekakasiw a sema ta ljatjalatjaljadjan a ceva, maqadjulj anga ita pana. tu sipangtejez anga nuazua remekurekutj a qemuziquzip i qinaljan, nu tja pacunan a gadu, matu namageris anga a mudingan nua gadu nu tja pacunen. kemasi zua anga, mangetjengetjez anga a liaw azidusia i qinaljan, maru gadu anga a djinumulj a tinekelan a dalilj nua vawa a wisepi i qinaljan. samayanga, na melialiaw uta a kakasiuljayan, matu cuvuq a venevuvevu, a caucau a kemasi inutunazuanga,paru zaljum a ini a mavetjevetjek a sema qinaljan. macemecemel anga qinaljan tunazuanga, sasiljekuyanga nua tja qinaljan. sa puluseq a ramaljeng sa qivu: “manu makuda a tja qinaljan” aya timadju. ●1. anema sinipaputarevan taicu a tjaucikel?題目圖片 下一題
6/10 " tjalja bulabulayan nu seman kava a paiwan ta kacalisiyan i taiwan. seman pazangal aravac nu malang ta kava a paiwan. tjuruvu a pairang a tjengelay a veneli ta sinan racev. tjuruvu aravac a pulima i paiwan. a sikasengesengan ta kava izua a vinecikan katua pinuluvucan, makakaizuazua a vinecikan, izua a dredretan, kamavanan, qadaw kavaluan, kumakumas a vecik. ljakua amin a vusam kata mamazangiljan a maqati a kipacain. a kamavanan namaya ta vusam a na zemang ta qinaljan. ljakua nu cinunan kata kauqaljayan maqati uta kipacain ta kavaluan. a quljaw na kava izua qulivalivay qudjidjilj liljualjuas. ljakua a senavalj qucengecengel kata qudjidjilj. ●ainu a mana paquliqulid?"題目圖片 下一題
7/10 "a kacalisiyan i taiwan talja nguangua’an nu seman kava a paywan. pazangal aravacnu masengeseng ta kava na paywan. tjuruvu a pairang a tjengelay a veneli a seman racev.tjuruvu a ravac a pulima a paywan. a sikasengesengan ta kava izua a vinecikan katua pinuluvucan. makakaizuazua a vinecikan. izua a kumakumas, dredretan, kamavanan, ’adav,kavaluan. ljakua nu vusam kata mazazangiljan makaya a kipacaing. a kamavanan pinamaya ta vusam a na zemang ta ’inaljan. ljakua nu djuljam/cinunan kata kau’aljayan/rakac makayauta kipacaing ta kavaluan ta palalj. a ’uljav na kava izua vurav, liljualjuas, samljam, a nasenavalj ’ucengecengel katua ’udjidjilj a ’uljavan. ●aicu a cinunan/djuljam makaya kipacaing ta nema?"題目圖片 下一題
8/10 a gadu i qinaljan pinalingulinguljan nua menaludjuludjuan a kasiw, a qerepus semusu ta vali apasateku sa paljevavaw. a qadris na paljeqaca a kemelap ta paralj sa mingelayalayap i kalevelevan. azuakinatemezengan a zaing nua qadris, tegain a i kadjunangan. “uri qemadaw anan tu pida a qadaw”, aya aramaljen. kangidangida anga, izua za remekurekutj a qemuziquzip mangetjez i qinaljan, vinatjuljayan akinacavacavan, a caljeqljeqir a tjagulj, a na ljatjalatjaladj a qipu katua kasiw, kalikalin a penuljat, sasakuci, sa djumulji. “paq” aya a zemangal a zaing, manu maluqu a mareka tjagulj, a qipu katua marekakasiw a sema ta ljatjalatjaljadjan a ceva, maqadjulj anga ita pana. tu sipangtejez anga nuazua remekurekutj a qemuziquzip i qinaljan, nu tja pacunan a gadu, matu namageris anga a mudingan nua gadu nu tja pacunen. kemasi zua anga, mangetjengetjez anga a liaw azidusia i qinaljan, maru gadu anga a djinumulj a tinekelan a dalilj nua vawa a wisepi i qinaljan. samayanga, na melialiaw uta a kakasiuljayan, matu cuvuq a venevuvevu, a caucau a kemasi inutunazuanga,paru zaljum a ini a mavetjevetjek a sema qinaljan. macemecemel anga qinaljan tunazuanga, sasiljekuyanga nua tja qinaljan. sa puluseq a ramaljeng sa qivu: “manu makuda a tja qinaljan” aya timadju. ●2 anema azua siaya a inianan tja pinacunan a remekurekutj a qemuziquzip?題目圖片 下一題
9/10 " titjen a kacalisian izua a tja kulalu katua lalingedan a tja sipazaizaing. kemeljang itjen taicu alalingedan tu kinasi tua ngudjus a sinasi a pazaing, azua a kulalu mana kemasi tua angalj a nasi a pazaing.aza a nu uri seman lalingedan karim itjen tua sedaljep a sisan lalingedan a ’au, nu taljuzuanga tuasikapacengceng tua kinakemudan nua ’au, mana kialapanga itjen tua ’au. nu matazua tja sikinemenemangaazua a tu namakuda a pasaladru’, azua a buang a tide’ na makuda a pasaladru’ katuazua a kinamelavan tualinipudruan. azua a pakialalang tua kulalu katua lalingedan, kisusu tua ’iniladjan i ’inaljan a paparetimalji,sika amin a mazazangiljan mana makaya a pakialalang, a ’atitan inika makaya. azua a pazaing tua kulalu tua lalingedan a patarevan pu’ay’ay tua sicuayan, tua kizenger tua patjaracinalivatan nimadju i ’inaljan, izua uta a kizenger tua sinasacemelan, izua uta a pakeljang tua ca’uannimadju saka na makatjengelay, aza a nu pucekecekelj sipatevavav uta, siayanga nu kisudjusudju au’alja’aljay, tjara djinadjas sakamaya. ’aw azua a lalingedan izua a kinisumalji tua kinangua’an tua ljingav, maru kinasi tua tja vinarungana ’eamaung a pu’ay’ay saka na sulapelj uta, sika masan nu izua a macay i ’inaljan, tjara izua a palalingedana ljemaveljav tuazua a mapaulaula, saka na masasa azua a painacayan a kinacemekeljan tua kiljivak nuasikata’aljan. ●tima a mana makaya a pakialalang tua kulalu katua lalingedan?"題目圖片 下一題
10/10 " aicu a siniljaketj a kalingkingking na saisia zukuan, nu itua palisian ta pasetaay pina kisumaljia kinavic a pazaizaingen, a “tapangasan” a patarevan si pazaizaing aya saisac. nu zemiazian sini pavengetjitua siyuc sa kulidrui a mare qaw a rinetjek, kulju na tama, kata vatjuljayan, nu zemian iciyur ta kulagaravagav sa minequt a zaing. ta sicuayan nu pasetaay neka kalingking, ayatua kalja rivurivuan liaw a sinikuang a tama, ljuljuin a taqaljaqaljan, sa san kelingkingi nu kalja palisian, zemaing anga ljemita vengintjalju kalevelevan, patje tucu ini a maqati a neka nu kaljapalisian ta pasetaay. aicu a kalingking nu ini a kaljapalisian, ini a maqati a semenay, a sikuda paqeteleng, pina kisumaljia pazangalan, sinan katacekecekeljan nu semenay, nu izua ciluq tiamadju a marevaljaw, ini a maqati akidjadjas, maqati a pacaing a uqaljay, a vavayan. aicu a kalingking, siziazian a turivecan sinan pazaing uta, nu palisi a saisia neka zuma pazaing, avannu tja langedangedan itua qepuqepuan. ●sinanemaya aicu a “tapangasan”?"題目圖片 成績結算