到主要頁面

學習評量

設置之目的為使用者自我評量,並非認證考試之用途。提供閩南語、客家語、原住民族語三種不同語言別的評量題目,作答时每一頁面顯示5題,在送出「完成作答」前均可修正作答。

布農語閱讀測驗-高級

回評量清單 | 2014-12-20 原住民族語
評量說明:
1/10 " mamita Bunun na patu’eun na, maszang imita siniqumic tu maluskun ludun cin libus dangian madungdung maszang tesmumut masling tu sintu’ia. Ma cia bunun na ikmaiun patu’ia ka, heza qongqong, latuk, bulingkav, tultul, paqpaq cin laqlaq. maqanglac ca bunun ikmaia maca luc’an. Maqa qongqong nga, makucia ki talum matas’i.mastan macihal tan’aun, macatan’a ka maszang ihan acang han ludun dengaz. Maqa latukun a,kucia takan paskucan paklic padangian azu cin tipul matas’i, maqa bilingkav va kucia qatu paskucan paklic matas’i masling tan’aun. Maqa tultul la, ala isbazu ki maduq, opa masling nga ciscis sinbazu tan’aun, un madadengaz pin’uni ikmae’un han luc’an matultul. Maqa laqlaq qa minatoqnaz zi tesmumutpuskunun maloqoc, ikma’eun maca andaza sinluc’an. cikopa ka patu’eun tu kemangsut,mulambu han iniqumican bunun sidoq, pangqa asa ata mindudu’az tu ni tu sipungul icia madadenga sinpala tu teklac. ●Ma’aq qa nanu ikna’eun ni tultul la?"題目圖片 下一題
2/10 " Imita ulus-Bunun habas hai, kinunian hual sin tulmi kauni. Mabananaz tu ulus hai ukan mas pakaiman, maduhlas at maniku hai tapangan mas manau-uaz tu sintahis, kaisulut mas kaviaz tu patas matahis, tupaun tu habang. Tai-aza tu, masa laupang tu ulus hai pasitus tu maduhlas, ukan tu kauman mas patas. Aipincin hai sadus Kaviaz at mintaiklas, kansulut kaviaz tu patas matahis. Isia lulus-anan hai, Bunun tu mabananaz samamantukan sadu. Maluspingaz tu ulus-Bunun hai cipsi, pakaiman, halubangbang. Patas hai mastan mas masanglav mas matahdung. ●Palimaz patasanan?"題目圖片 下一題
3/10 " Mailantangusang a, maaq mita Bunun tu hulus pinainuk a, kusi-aun quhal siin kaliiv mtaqis matindun. Maaq a bananaz hulusa a, ukaan pat-imaan, maduqlas a tinaqis, maaq a hiku a pakahapavan i manau-az tu sintataqis, maszang i ivut kaviaz ta hiku tu ilu’ siin patas, tupaun tu patva-uan. Maaq dau qabasang a, imita hulus lusqa-ang tas-a ka ilu’, sia ki maduqlas, uka duma. Haiphaipin ti maisna haanin ata ivut kaviaz ta usizaan i taiklas, masiusin i manau-az tu ilu’. Maaq i minhamu a bananaz lus-an a, samanau-az amin a bunun saduu. Maaq a binanau-az tu hulusa a, haiza qainimulu, hulusdaing, balangbang. Haiza amin a tunhilan, bulalai, maaq a ilu’ a masanglav siin mataqdung. ●Mavia dau ka bananaz minhamu lus-an tu samanau-azan i duma bunun saduu i?"題目圖片 下一題
4/10 " Maaq a matultulun a kaupa mita Bunun siin Sau siduq a haizaan maupa ti tu isliing. Makusia ata vau sauhaan mas-an qan nuum tu qusau, haiza qusau a madauqpus, haiza a maputuq, muskun matultul i batu,maszang mabazu ki nusung. Nasansuma a vaivivaivi tu sing-av maisnahaan batu ta, qabasang madadaingaz makusia amin matultul ti mapakisniap duma bunun. Haizaan amin a Takisilazan bunun i qaqangqang, lusqa tu vaivivavi a sinkuzakuza. Maaq dau mita Bunun a, tudiip i haizin a qanimulmulan a sizain qaqangqang tun pisqangqang. Ihaan duma tu siduq a, sia dau ki pasungkaviaz tu banananaz siin binanau-az a pisqangqang, sintupa dau tu maduu inaita ka is-aang. Haizang mita Bunun tupaun latuk tu isliing, kusi-aun mailan paat (takiBakha a taismaihima) tu sinkus ngul-a kai-uni. Kain-anakan mita Bunun maitas-i. Haiza amin mita maszang i busulkalvi tu isliing, tuapun amin tu latuk, tas-a a sinkus ngul-a, pisanun ngulus paliskidaz, maaq a vili ima a ankus i latuk ta, tanavanan imaa a, matultul i sinkus latuk ta, natudipin a masling tu qalinga minsuma tan-aun i bunun. ●Lakuaq dau ka Bunun maqtu pisqangqang? "題目圖片 下一題
5/10 "Maza, matunltunl, hai, kaupa mita Bunun mas, Sau tu siduqha, aizaan maupa cin tu, isliing. Makusia nai-ia, mas vau sausia mas-an han nuum tu husau, aiza a madaulu, aiza amin a maputul, pa-uvaivun matultul sia, batu, maszang mabazu mas, nusung. Naaiza vaivivaivi sing-av, maisnasian batu cia, sansuma, habasang madadaingaz makusia amin matultul tan mapihansiap mas duma bunun vaivivaivi tu sinbabazbaz. aizaan amin a takisilazan bunun hanghang, vaivivavi a sinkuzakuza. Maza dau mita Bunun, hai tudip aiza ka hanimulmulan siza hanghang tan pishanghang. Isia duma tu siduh, hai, sia dau mas pasungkaviaz tu banananaz mas binanau-az a pishanghang, sintupa dau tu maduu isaicia is-aang. aizang mita Bunun tupaun latuk tu isliing, kusi-aunn mailan paat (takiBakha a taismaihima) tu sinkus ngul-a kai-uni. Kain-anakan amin mita Bunun kauni. aiza amin mita maszang busulkavi tu isliing, tuapun tu latuk, tasa sinkus ngul-a, pisanun ngulus paliskidaz, maza vili ima maldikus latuk at, tanaskaun, ima hai matultul latuk cia, natudipin masling sing-av minsuma ta-azaun bunun. ●Maza mita Bunu a isliing?"題目圖片 下一題
6/10 " Maqa itu Bunun tu huluc bananaz za mindusa’. heza a kucia ki tesmumut tu sapa’ matas’i tamuhung, matas’i hulucquhal (huluctukban), heza a kucia kaliv matas’i ki sukliv mindun, tin’unun minpusut, taqesun minhuluc, mataqes si mano’az tu patas han hiku’, minuni patva’uan kulin cing tapis. Maqa itu Bunun tu huluc binanoaz za, heza tikdas, hulucqenavu’, tunhilan, bulalai’. madu kucia mataqdung tu maqehav mataqes si patas han silah. lopaku muazin sisili ki duma sidoq tu qalmang ngi matasi ki vevivevi tu huluc. ●Maviaq cia binano’az za hulus tu mataqdung?"題目圖片 下一題
7/10 " Maca-Itu Bunun siduq tu latuk maszang inaita iniqumican pasauszanglibus miqumi maizaca mahum maizaca manungkic. Maca ukmadaiun bunun-a latuk maiza ispisusling maiza qaungqaung, latuk tungtung. tultul paqpaq siin laqlaq. Maca saduan-a cia bunun camadia mukucia singkukuza mangki.mazima mapanglac pistudaidaz Maca humpi mukuciat kakaunan matas-I. Picihalun nai pinauaz matas-I tingquzaas miniqumic maupa-I mantan madaidaz tan-aun. Macatan-ausu na maupas ikumbu-is libus mantan malis cial tan-aun. Maca latuk-a mukucia kakaunan matas-I paus buculmatas-I mukucia paklic maluquc maca pislatukun nin matan macialtan-aun. maca tultul-a nanu is-ulmik-is madu utu matultul naimaduq-a tan-a naitultulmacial salatan-aun ca sintultul minu-nin tu sizaun nai iskavivila Maaq a tultulun la, alnanu isbazu-s -tattapaz tu maduq maupa masling a pacacais matultul binhav, min-uniunin ihaan lus-an patan-as taisis-aan tu ipisusling. Maca qaivqaiv mukuciavaqvaq vanis kucian quaz matusul sipuk-un maca huzanghuzangu na mintasal ca qalinga (qailivqailiv) sizaun min unit ukmadia ca pasun tamul. maca cikaupa-ka hupi tuza maipaluskun itu Bunu siduq tu sin-I qumic maqtu-ang-a minduduaz nitu panpungul itu mailintangus madadingaz tu kaitaiklasan. ●Icaca nitu matutuku-ka sitaqu nastu-tun? "題目圖片 下一題
8/10 " Maaki mataz a bunun a, mulumaq amin a tais-aan si-ail i maitastulumaqta, maaq a lutbu ka, asa tu usuun qabinun ihaan lumaqta. Maaki maqabin a, pa-adasan minudaan bunun a isiata kazimaun tu qaimangsut a, andadailaz a tastulumaq siin tais-aan, makusia ima siza bunuk mazaszas ihaan minudaan bununta tu lutbu, maaki tunganin mazaszas a, tuqluunin i batuta, pinasnasun a dangian maqaltum tu dalaq a. Talhima-in tu qanian, madas sinkusia istaa tu tangaa masumsum ispaska istaa, musasuu masumsum tu: “Masihala asu mudaan, kaa tu tiskapat, kaa tu tunsuqis madas i tastulumaq tu tais-aan mudaan.” Maaki ihaan buhavtun mihalang tis-qa mataz tu miniqumis a, tangusun ma-uman a isiata tu hulus a, qalmangun ihaan bukzavan maqaltum, takunavun isiata hulus a panalibus maqabin. Maaki haiza ihaan asang tais-aan mataz a, asa tastu-asang tu taisis-aan tu mal-uu, nitu kuzakuza, sintupa dau tu, tis-uni minudaan tu bununta masalpu. ●Maaki talhima-in qanian qinaltum a, ma-aq tu qaimangsut dasun isumsum istaa?"題目圖片 下一題
9/10 " Itu Bunun siduq tu ispisusling qai, maszang inaita sin-iqumis tu, asiduu ki ludun siin libus tu, mabungbung, mamasling. Maaq sia bunun siduq ikmaiun tu ispisusling qai, haiza qaungqaung, latuk, banhillatuk, tultul, paqpaq siin laqlaq. Maaki saduan a, sia ki Takbanuaz i Isbukun tu siduq mazima mapisusling i kaupa tu ispisusling. Maaq a qaungqaungun a, makusia ki talum tu kuus siin sinasaq tu ngul-a matas-i, siatun a laupaku atumasqingun miniqumis tu ispisusling, aupa masling daingaz dau a sing-av, maszang ihaan libus i tan-a isiata tu sing-av. Maaq a latukun a, maszang tu, makusia ki talum tu kuus siin paklis sintas-i. Maaq a banhillatukun a, makusia ki banhil, luqusan hima makuis tu paklis, masling amin i pususlingun. Maaq a tultulun a, alnanu isbazu ki tastutumbuq sinluqus tu maduq, aupa masling a pasasais matultul tu sing-av a, pin-uniunin ihaan lus-an mapatan-a ki taisis-aan tu ipisusling. Maaq a laqlaqun a, sinkusia aipun isia vanis pinasaq tu tuqnaz, makusia quaz matusul a, maaki vuqvuqun a, ""laqlaqlaqlaq"" tan-aun, maaki namapulumaq maduq a, iskusia aipun liskadaan masumsum diqanin. Maaq a ispisuslingun a, tutuza tu mapaluszang i itu Bunu siduq tu sin-iqumis, maqtu-ang a minduduaz, nitu panpungul i itu mailantangus madadingaz tu ketaiklasan. ●Maima-aq a latukun sintas-i?"題目圖片 下一題
10/10 " Imita ulus-Bunun habas hai, kinunian hual sin tulmi kauni. Mabananaz tu ulus hai ukan mas pakaiman, maduhlas at maniku hai tapangan mas manau-uaz tu sintahis, kaisulut mas kaviaz tu patas matahis, tupaun tu habang. Tai-aza tu, masa laupang tu ulus hai pasitus tu maduhlas, ukan tu kauman mas patas. Aipincin hai sadus Kaviaz at mintaiklas, kansulut kaviaz tu patas matahis. Isia lulus-anan hai, Bunun tu mabananaz samamantukan sadu. Maluspingaz tu ulus-Bunun hai cipsi, pakaiman, halubangbang. Patas hai mastan mas masanglav mas matahdung. ●Sima mamantuk?"題目圖片 成績結算