學習評量

》設置之目的為使用者自我評量，並非認證考試之用途。提供閩南語、客家語、原住民族語三種不同語言別的評量題目，作答时每一頁面顯示5題，在送出「完成作答」前均可修正作答。

泰雅語閱讀測驗-高級

回評量清單 | 2014-12-20 原住民族語

評量說明：

1/10 " wal qutux miniru’ ni Watan Taya’ mha, “ smyax qu roziq maku’, mutu maku’ skita’squ rgyax ru gong, skita’ maku’ squ pinhknyan na bnkis ta’. ini’ qpuri’ qu papak maku’,mutu maku’ ppung squ hngzyang na behuy ru qwas na ssiliq. ppung maku’ squ ke’ ka snbilna kinbkisan ta’. hzyuci’ balay qu hmali’ maku’, mutu maku’ sskal squ ke’ ka smlokahinlungan ru shzyu’ na zywaw. ” “ qnzyat qu qba’ maku’. mutu maku’ stubux squ trakis ru singut, sllaw maku’ squmrusa’ ru rangay, scinun maku’ pala’ ru lukus, pssu’ maku’ lwax ru qnryang. mkrroq quinlungan maku’. swalan maku’ kwara’ qu kinqihan na ssquliq. llungaw ta’ cikay qu pincbaqna binkisan ta’. llengay ta’ hmkangi’ qu qoyat na ’laqi’ kinbahan ta’, ru nway kana kpyutqu qnxan na ita’ Tayal.” ●1. skahul ta’ binrwan qani mita’ ga, nanu’ qu aki nya’ nyux spqzyu’ ? "

1: rgyax ru gong na qalang ta’ ita’ Tayal.

2: ke’ ru gaga’ ka snbil na binkisan ta’ Tayal.

3: qqyanux ta’ ita’ Tayal ru qnxan ta’ ita’ Tayal.

4: pala’ ru lukus ka cinnunan ta’ ita’ Tayal.

下一題

2/10 " kneril na Tayal sraral ga, baq balay tminun. taqu lukus, pala’, gibul ga, tninun nha’ kwara’ ma. sonmha tminun qani ga, iyat qutux squ kinqeri’ na zyaw. nanu’ yasa cingay iyal qeqaya’ nya’ qu tminun qaniru cingay iyal zyaw pcywagun ta’ uzi. qeqaya’ na tminun qani hiya’ ga, cingay balay llamu’ nya’, yan nqu qsap(gsak), tnaral,plosan(qlosan), qsayan, qongu’, qara’, kikut, bgira’, ikus, ru wakil. kwara’ qeqaya’ qani ga, ungat anaqutux lga, iyat hazi’ pqbaq tminun qu kneril na Tayal la. maki kwara’ qu qeqaya’ na tminun qani lga, scinun nha’ lukus ru ana nanu’ qeqaya’ la. yan nquhabuk, toyah, t’yu, thawak, lukus-lmwan, toyah-mayung, kumuy, ml’ung. kwara’ lukus ka wal sbiru’ qaniga, kekruma’ ga, lukus na mlikuy ru kekruma’ ga, lukus na kneril. sraral hiya’ ga, ini’ hmci mlukus qulukus ta’ Tayal qani. kekuruma’ ga, siki t’aring baq inlungan, ini’ ga, mnwah mgaga’(mnwah mciriq) rubaq tminun lga, swalan nha’ plukus ru smi’. ●skahul ta’ binrwan qani mita’ ga, nanu’ qu aki nya’ nyux spqzyu’ qu binrwan qani?"

1: zyaw na mgaga’.

2: qeqaya’ na tminun.

3: zyaw na tminun.

4: psaniq na tminun.

下一題

3/10 " kanel na Itaral rali’ ga, ba’ carung tuminu’, yonaka lukus, ribul, paling papanga’ ci ule’ ga tininu’naha’ kora’. sun tuminu’ hani ga, arat mamahmut ka insa’ ni’. kelan na cungus, payux ka angaya’babingun tuminu’, lu payux ka a’usa’ ni’ uri. angaya’ na tuminu’ ga, payux lu lanlamu’. yona; acak, tinaral, mabahun, lalosan, alsayan, kikut,bagira’, agungu’, lu wakili’. kora’ angaya’ hani ga, minlu’ ungat utux laga, ungat babahan tuminu’ kakanel na Itaral la. kelan kora’ ka angaya’ na tatinu’ hani laga, sitinu’ naha’ ci lukus lu ana amol na angaya’ la. yona;hahabuk, ratah, rikul, ribul, lukus-bininar, tararang, kamur, tararng aba’. kora’ ka lukus wal sipatas hani,ruma’ ga lukus na malikur, ruma’ ga lukus na kanel. rali’ hang ga ini’ masti malukus ka lukus na Itaralhani. as ka ba’ ci a’usa’, malikur ga ba’ malorak lu minsa’lunkarang, kanel ga ba’ mabitarak lu ba’tuminu’, kaca ka pakusun ka lukus pincungus ci kinuba’ na insa’, lu puson ci pincungus kinpahragan na tararang ka hi’ la. ●lukus nel sipatas hani ga, inu’ ka anak palkusun na malikur lu kanel na Itaral?"

1: nabus

2: kamur

3: ribul

4: lukus-bininar

下一題

4/10 " wal qutux miniru’ ni Watan Taya’ mha, “ smyax qu roziq maku’, mutu maku’ skita’squ rgyax ru gong, skita’ maku’ squ pinhknyan na bnkis ta’. ini’ qpuri’ qu papak maku’,mutu maku’ ppung squ hngzyang na behuy ru qwas na ssiliq. ppung maku’ squ ke’ ka snbilna kinbkisan ta’. hzyuci’ balay qu hmali’ maku’, mutu maku’ sskal squ ke’ ka smlokahinlungan ru shzyu’ na zywaw. ” “ qnzyat qu qba’ maku’. mutu maku’ stubux squ trakis ru singut, sllaw maku’ squmrusa’ ru rangay, scinun maku’ pala’ ru lukus, pssu’ maku’ lwax ru qnryang. mkrroq quinlungan maku’. swalan maku’ kwara’ qu kinqihan na ssquliq. llungaw ta’ cikay qu pincbaqna binkisan ta’. llengay ta’ hmkangi’ qu qoyat na ’laqi’ kinbahan ta’, ru nway kana kpyutqu qnxan na ita’ Tayal.” ●2.qenu’ qu ini’ ani spqzyu’ nqu binrwan qani?

1: papak.

2: kakay.

3: roziq.

4: qba’.

下一題

5/10 " wan qutux miniru’ ni Watan Taya’ mha: “ cmyax qa royiq mu, spktayux cqa rgyaxru gong, spktayux mu’ cqa pinhknyan na bnheci ta. ini’ qpuri’ qa papak mu, s’agan mu cqa hngyang na behuy ru qwas na ssiliq. ppung mu cqa ke’ snibil na binheci ta’. hyuci calayqa hmali’ mu, sskayan cqa ke’ mwah smlokah inlungan ru shiyu’ na ywaw.” “ qniyat qa qba mu. scukaw mu tmubux cqa trakis ru pyaway, ki kbalay qqaya namrusa ru rangay, scinun mu’ pala ru lukus, psrhong mu lwax ru qnryang. mkrroq qainlungan mu. swalan mu qabax qa kinnqwan na ccquliq. llungaw ta cikay qa pinsbaq na binheci ta’. glgay ta hmkangi qa qoyat na laqi kinbahan ta, ru nway kana krpyut qa qnxanna ita Tayal.” ●skahul ta binrwan qani ktayux ga, qenu qa cbalay nya?"

1: baq mrpyut qa qnxan ta ita Tayal ma.

2: ta laxi qa kinsqelan na cquliq ma.

3: siki son ta mllaw krryax qa mrusa ru rangay ma.

4: ini hmut mqyanux te babaw na cinbwan qani ma.

下一題

6/10 " mniru utux biru ku Watan Taya maha kya kmayan: “ cmyax ku royi maku, skita maku ku rgyax ru gong, skita maku loyi ku nhknyan na bnkis ta. llaw ci pungan ku papak maku, ppung maku ku hngiyang na behuy ru ngayu na piyit sili. ru ppung maku ke ka snbilan na bkisan ta. h’yuti calay ku hma’uy maku, skayan maku ke ka pslokah cahuy lungan ru myasa si s’utux lungan na yaw.” “ kniyat calay ku ’ba mu. tmubux caku ku trakis ru puhi caku singut, kble caku toya ru rangay uyi, tinun caku balah ru lukus Tayal, pccu caku lwax ru knryang langan. mshoway ru cipuy ci inlungan maku. swalan maku kwara kyan ku knihan na c’oli. agan calay ku psnba sbilan ke na bnkis ta, aki maki koyat ku la’iy kinbahan ta babaw nya, nway kana puyut ku knxan na ita Tayal.” ●skahun ta knayan ku bnrwan hani ga, lalu ku nyu nya skayan pi?"

1: rgyax ru gong na alang ta ita Tayal.

2: tunan Tayal na balah ru lukus na ita Tayal.

3: kkyanux na ita Tayal ru knxan na ita Tayal.

4: ke ru gaga na sbilan ta nya bnkis na Tayal.

下一題

7/10 " wal kutux ka pinatas ni’ Watan Taya’ maha: “ pascex ka rori’ mu kung, sikatox mu ciragex’ lu gong, sikatox muci pinkakayan na kinnabkisan ta’. lahmi’ la cange’ mu uri. papung muci behur lu awas na sili’, papung mu ci ke’ sinbili’ na kinnabkisa ta’. haruticarung ka hamalit mu uri. kakaral mu ci pakahaprow rumuruw na ke’ lu ramas na insa’.” “angrat ka aba’ mu, si’usa’ mu gunra’ ci turakis lu mamuhi’ ci singut, sisable’ mu ciinlurang, sitinu’ mu ci lukus lu gali’, sicacu’ mu ci cacu’ na morow lu sisabale’ mu ci inalang. mahyuw ka linlungan mu, suralun mu ka paris mu, mululi’ cu ci ke’ sinbili’ nakinnabkisan, a’ixul mu kakaramas ka insa’ na ulule’ mu, ki malaluhing ka kinuxan na ita’Itaral ana nanu’ kanon.” ●kumaral ka patas hani siusa’ mu gunra’ ci turakis ka aba’mu ma, amol ka puing papasba’ni?"

1: cel kunloh ci turakis ka ci’uli’ haca.

2: cel mamuhi’ ci turakis ka ci’uli’ haca.

3: cel knagauw ci raxal ka ci’uli’ haca.

4: cel cumuling ci raxal ka ci’uli’ haca.

下一題

8/10 " wayan utux binrwan ni Watan Taya maha: “ smyax balay ku rozi mu, mutuw mu skitasku llahuy rrgyax ru ggong llyung, skita mu sku pinhkngyan kinyanux na binkisan ta. inikpuri ku papak mu, utuw mu ppung sku hngyang na behuy ru uwas na sisili. ppung mu sku kay ka snbin na kinbkisan ta. hyuci balay ku hma’uy mu,mutuw mu sskayan sku kay kasmlokah inlungan ru msnlux na yuwaw.” “’ngayat ku ’ba mu. mutuw mu stubux sku trakis ru singut, sblung mu sku t’yap rurangay, stinun mu plyung ru lukus, psrxun mu luking ru inryang. mkrraw ku inlungan mu.swalan mu kwara ku kin’ihan na ss’uli. llungaw ta cikay ku pincba na binkisan ta. nble’awta hmkangi ku oyat na la’i kinbahan ta, ru nway kana kpuyut ku knxan na ita Tayan.” ●slali ka bnkis ta maga, mutuw naha pspung nanu ku nki naha pt’yagun yaw?"

1: ppung naha sku uwas na sisili.

2: ppung naha sku hngyang na behuy.

3: skita naha sku tu’iy na ’sinuw.

4: skita naha sku rgyax ru gong.

下一題

9/10 " knerin na Tayan slali ga, sungun ba balay tminun. txiy ku lukus, plyung, zibun habuk ga, tninunnaha kwara ma. son maha tminun hani ga, ’yat utux sku iniri na yuwaw. nanu ya’asa pyux s’yung ye’ayanya ku tminun hani ru pyux s’yung yuwaw pcyagun ta uzi ma. ye’aya na tminun hani hiya ga, pyux balay llamu nya, ’si nku ksap(gsak), tnaran,klosan , ksayan,ongu, ’ara, kikut, bgisa, ikus, ru wakin. kwara ye’aya hani ga, ungat ana utux lga, ’yat hazi pkba tminunku knein na Tayan la. kyan kwara ku ye’aya na tminun hani lga, stinun naha lukus ru ana nanu ye’aya la, ’siy nku habuk,toyah, t’yu, thawak, lukus lmuwan, toyah mayung, pkmuy, ml’ung. kwara lukus ka niya sbiru hani ga,kkruma ga, lukus na tmalung ru kkruma ga, lukus na knerin. slali hiya ga, ini hmci mlukus ku lukus taTayan hani. kkuruma ga, siki t’aring ba sa inlungan, ini ga, mnwah mgaga(mnwah mciri) ru ba tminun lga,swalan naha plukus ru smi ana nanu pintrang la. ●utux ye’aya na tminun hani ga, p’lan ta na kakay ru smru sku wayay ka stinun ta. ye’aya nanu hani hiya ?"

1: kikut.

2: ikus.

3: sayan.

4: ongu.

下一題

10/10 " kneril na Tayal cyunga ga, baq cbalay tminun. lukus, pala, gibul ga, tninun nha qabax ma. son mhatminun qani ga, iyat qutux cqa tqlihul na ywaw. nanu mica piyux ciyal qeqaya nya qa tminun qani ru piyuxciyal ywaw ptyawun ta uyi ma. qeqaya na tminun qani hiya ga, piyux cbalay llamu nya, pisan nqa qsap, tnaral,plosan(qlosan) ,qsayan, qongu, qara, kikut, bcira, lkus, ru wakil. qabax qqaya qani ga, uka ana qutux lga, iyat hayi pqbaqtminun qa kneril na Tayal la. maki qabax qa qqaya na tminun qani lga, scinun nha lukus ru ana nanu qqaya la, pisan qa habuk,toyah, tiyu, thawak, lukus- lmwan, toyah-mayung, kumuy, ml’ung. qabax lukus qa wal sbiru qani ga, kruma ga, lukus na mlikuy ru kkruma ga, lukus na kneril. cyunga hiya ga, ini hmci mlukus qa lukus ta Tayal qani. kruma ga, siki tgaring baq mqyanux, ini ga, mnwah mgaga(mnwah mciriq) ru baq tminun lga,swalan nha plukus ru smi. ●mnwah mlux mgaga qa mlikuy na Tayal lga, ana mlukus(smi) cqa ______."

1: tiyu.

2: toyah-mayung.

3: ml’ung.

4: lukus-lmwan.

成績結算