本土語言資源網

學習評量》設置之目的為使用者自我評量,並非認證考試之用途。提供閩南語、客家語、原住民族語三種不同語言別的評量題目,作答时每一頁面顯示5題,在送出「完成作答」前均可修正作答。
阿美語閱讀測驗-高級 回評量清單 | 2014-12-20 原住民族語
評量說明:
1/10 "O singsing han no Pangcah ko cohcoh, o adihayay a mapakatayal i masamaamaa:nay a lalosidan no Pangcah. Adihay ko kasasiroma no singsing, a mapakatayal no kalofinacadan i lalosidan naira, mangalef ko no Pangcah, ca’elayen i tatirengan ko singsing ano masakero. I losid no Pangcah i, mapasiket i losid ato i dofot ko singsing. Tomatira, ira ko nipasiket no Pangcah to singsing in li’el no kolong, o tosong han kiraan, tata’ak ko soni, orasaka manga’ay a sakasakero no Pangah. Yaan i tatelecananay a singsing i, o sakasalongan no pakarongay a selal no i Posongay a Pangcah. Ano talacowac:owa caira a matayal i, matengi:l ato maki:lim no mato’asay ko nikaicowa naira, ta manga’ay a matahidang a maocor no mato’asay. ●O sakicowa ko i tatelecananay a singsing?"題目圖片 下一題
2/10 " O tatodong a cengel no ca’edong no ’Amis adihay ko kasasiroma no sowal. Nano tatapang no liteng kalisepat to ko cengel a masilsil no ’Amis, o kahengangay todong to o cidal, tomili’ay todong to ci Malataw, o kohetingay todong to o salo’afang no liteng, langdaway i todong to o Kawas no riyar ci Tiyamacan hananay, nano rayray i likakawa itiya ho mahaen to ko cengel no ca’edong. Kaorira, o kasaniyaro’ ira ko no saniyaniyah sanay a ca’edong, nawhan cuwa kahecad ko kasaniyaro’, saka o cengel to no ca’edong, masasiroma to, to kahatini a maemin ko cuwa kahahecad no ca’edong todong to patalahaekalay, o kakilimen to misahacecacecay ko hasakacipanang. ●Itini i likakawa no ca’edong no ’Amis, adihay ko kasasiroma a cengel, icowaay ko so’elinay i laeno tona sowal."題目圖片 下一題
3/10 " Kahirahira no kalotasunian ato sakaeres, o caluwayay ko tangful, adihay ko kasasiruma no tangful, polong masalepet no Pangcah aca, i ’Amis tadaa maulah sapaledu to kasakero ko huni no tangful. I caedung no Amis, saalatek ila ko singsing ato sakaeres miteselan i riku’ ato alufu, aletek pakafiten i tatirengan, anca patusungen(牛鈴) ko kolong ma:esulay ko huni, yahuni nira nga’ayay patudung to tedu no sakero madadengdeng. Tangful hananay, o tekedan no itiniay paPusongan sakaeres no pakalongay a dafong. Situdungay to malaocur ko pakalongay, saiwaiwaiw sa micaliw to sahunian no tangful, panunul sapipatengiltu to malitengay, hay tangsul a mapaiyoy acumikay sa. ●O masamaanay a dafong ko tangful?"題目圖片 下一題
4/10 "O cohcoh han no Pangcah ko singsing, manmaan tasonian ato saki’eres sa adihay a matatoy konian, adihay ko kasasiromaroma no singsing hananay, nengneng han ko kasafinacadan maemin a mitatoy, mangalef ano masakero caay kanca ira ko singsing a soni patoor. Itini i losid no Pangcah i, o singsing ato sapamelit mapakafit i riko’ anoca i tafolod, roma i, tangsol sa mapakafit i tatirengan, anoca i ya cohcoh no kolong sapakafit, fangcal tata’ak ko soni, patatodong to kero ato radiw.Nika onini saki “tatelecan a tangfol i,” edeng no pasawali a pakarongay a selal ko patodongan toni a ’eres, nawhani onini a selal o taocoran saka pakafiteng to sakitatelecan a cohcoh, saka i kailisinan sato mi’ina’ing masakero caay to pitolas ko soni no cohcoh, roma i, malasakangaay saca lahoday makilim no mato’asay cangra a matayal. ●Icowa ko mararaway to saki cohcoh a rikec?"題目圖片 下一題
5/10 "O cengel no losid no Pangcah Matengil ita i ’a: yaw ko ratoh ato kimad no to’as, sowal sa: “O wawa no cidal ko Pangcah” saan, saka ira ko kahengangay a cengel no losid no Pangcah. Na o mahaenay a marayray tahanini, orasaka, o kahengangay ko losid no i Kalingkoay. Na ’a:yaw ira ko sowal ni Tiway Sayon a Ku-ciw-singsi, sowal sa: “O sangara’ay a cengel no losid no Pangcah i, o kahengangay. Nawhani o kahengangay ko tatodong no cengel no cidal, o fohecalay ko tatodong o maomahay a kawas ni Malataw, o kohetingay ko tatodong no to’as, o langdaway ko tatodong no kawas no riyar ci Tiyamacan, onini a sepatay a cengel ko malo cengel no losid no masa^Pangcahay. ●O maan ko tatodong no kohetingay a cengel?"題目圖片 下一題
6/10 " O tangful han no ’Amis o saka ’eres, adihayay ku masamaamaanay a tangful, pulong nu finacadan caay kaeca ka mica’edung tu saka ’eres. Itini i likakawa o saka’eres nu ’Amis, o tangful sapatedi mapakafit i riko’, anueca i ‘alofo, roma i, itinihan i tatirengan a mapakafit, anueca tanu kulongan a tangful, ta’angay ko honi, mapatatoor to kero ato radiw. kawra onini i “tatelecan a tangful,” edeng o pakalongay no posong ko cidafongay to sakaeres. Oya taoculan a pakalongay, sacikacikay sa mahoni ko tangful. Osaka nga’ay matengil no malitengy a miocul. ●Itini tuna suwal i laenu icuwaay ku cuwa ka tatudung?"題目圖片 下一題
7/10 " O tatodong a cengel no losid no Pangcah adihay ko kasasiroma no sowal. Masaniyaro’ to ko losid no Pangcah, roma i, ira ko sasiroma sanay ko faco no losoid, mahapinang malikat ko cengel falihfih matatodong to o pinangan to no Pangcah a serangawan. Ano pakaynien to i cengel i, oni to o kohetingay, kohecalay, kahengangay, langdaway ko tapang a cengel, itini sa i Fata’an ci caedongay to kahengangay a riko’ ato talip ko kaying, o kohetingay sa o mato’asay to a fafahiyan ko ciriko’ay, laeno o talip , taliyok mataesel to masamaanay a faco, o aftoy mapatakec to kohetingay a talakes, o todongay to lilengawan no sota sanay, o langdaway i todongay to o langdaway a riyar sanay ko tatodong nira.. ●Pina ko nano rayray itiya ho ko cengel no losid?"題目圖片 下一題
8/10 "Makapahay a caedung no ’Amis Sadutucang a caedung no ’Amis, makahirahira ko suwal to kasacengel, tudung o tamdaw ko kahengangay, o tu’as ko kuhecalay, o sela ko kuhetingay, o riyal ko langdaway, o malengaway a pinaluma ko kangdaway, o padaoc to ’orip ko kaliyalaw a cengel. Malukatimul no Kakacawan a kapah, ila ko saliput i ayaw a talip, o kayap hananay ita, katimulho no Fafukud, ila i afalaan ko dahepay, alusaysay hananay no mita. Kaloniyaro’ makahirahira ko satekedan nira a caedeng, na o kalaliker no paniyaro’an, mansa masasiruma ko patudung to cengel, hatiniay samalikatay a caedung a waywayan, mitalaay kitanan to kapicolok a mafana’. ●Icowaay ko caay katatudung to cengel no caedung ita? " 題目圖片 下一題
9/10 "U kulit nu lusid nu Pangcah. Ina’aya’ayaw iri, iratu ku suwal a matengil, u kungku aca nu kawas, u binawlan nu cidal ku Pangcah saan, namakayni ku sa’ayaw a silahengangay a lusid. Manay u lahengangay ku adihayay a kulit nu Pangcah. Inaayaw napaheci tu ci Tiway Sayun a pasuwal, u salingatuwan nu kulit nu Pangcah, u nu cidal a kulit ku lahengangay, ci Malataw u kawas nu maumahay u buhecalay a kulit, u adingu nu tatuasan a kulit u muhetingay, u ni Kabid a kulit u landaway, u kawas nu liyal. U sarataray a kulit nu tatuasan nu Pangcah sepat ku kulit. ●U maan ku satapangan a nipasuwal itina a’asipen:"題目圖片 下一題
10/10 " U cingacing hananay nu Pangcah, adihay ku nikasaruma nu cingacing, salungan a sadatuken, sabuuten, kaulahan ‘amin nu kalubinacadan kina cingacing. Yu misakeru ku Pangcah mangaleb ku nikaulah a mitengil tu suni niya sacingacing. Sakasaan, masatudung a palecacay tu kuku’ nu misakeruay. U lusid nu tatuasan, sabuuten nu Pangcah ku sacingacing a pasiketen i buduy i alubu, nu ruma hantu caelayen i tireng nu heni. Caay kasatudung ku suni a tengilen i nipisakeruan, palalecad aca tu kuku’ nu misakeruay. Ina cingacing hatu, u salusidan nu makatelucay a selal nu i amisay a Pangcah, u nikasan, yu mabekac kelikeling sa a masuni, mangaay a kilimen nu matuasay, anusa nu kaka a selal a mitakus a pakadademak. Nu babahi atu limucedam i, misakared nu muwa a sakikamayen sakukuan a misakeru’. ●U tapang nu suwal tu sacingacing, i cuwaan saw ku caayay karucek nu isasaay a suwal?"題目圖片 成績結算